O Clúster da Madeira eo Deseño de Galicia (CMD) nace no ano 2001 por iniciativa de empresas vinculadas ao sector da madeira xunto co Centro Tecnolóxico da Madeira (CIS Madeira) e a Universidade de Vigo.
Desde a súa creación, o CMD aglutina a empresas e axentes vinculados a toda a cadea de valor industrial da madeira, entras que as que se atopan empresas relacionadas co aproveitamento forestal, serradoiros, empresas de chapa e taboleiro, pasta de papel e papel, empresas de carpintería e moble, Canal contract, prescritores, empresas de servizos, centros tecnolóxicos, enxeñerías e Universidade.
Actualmente, está formado por máis de 50 empresas de toda Galicia, cunha industria da madeira pioneira no desenvolvemento de produtos a nivel nacional e internacional, así como por empresas que son un referente en deseño e innovación.
– Actúa como axente de promoción de proxectos de todos os seus asociados, colaborando no desenvolvemento tanto de iniciativas sectoriais como de iniciativas nas distintas áreas empresariais – Difunde as actividades empresariais e profesionais desenvolvidas polos seus asociados, difundindo accións, estudos e actividades realizadas por aqueles.
– Coordina as relacións institucionais e actúa como interlocutor coas Administracións e Institucións na procura de apoio a proxectos e actuacións de interese para os seus asociados.
– Contribúe a mellorar a cualificación e formación dos asociados, promovendo, coordinando e impartindo cursos, seminarios e programas formativos.
– Actúa como instrumento de recollida e transmisión de información de interese para as empresas asociadas ao Clúster.
– Coordina, cos medios de comunicación, a difusión dos fins do Clúster, promovendo a mellora da percepción da sociedade sobre as súas actividades e empresas asociadas.
– Establecer relacións con entidades que persigan fins similares (asociacións, clusters, etc.).
– Colabora co seu socio tecnolóxico, CIS-Madera, para incrementar a formación tecnolóxica e o nivel de innovación en produto e proceso dos asociados do Clúster, promovendo a execución de proxectos colaborativos, formación técnica específica, etc.
– Coparticipa co resto de asociacións do Sector da Madeira na execución de actuacións estratéxicas e, se é o caso, nas accións de lobby institucional.
A CMD é unha entidade empresarial cunha dobre Misión:
Reforzar a estrutura das empresas que integran o Clúster, dotándoas de vantaxes competitivas mediante mecanismos de cooperación, e potenciando os seus produtos como elementos de orixe natural, reciclable, sostible que contribúan a mellorar o confort e a calidade de vida.
O CMD defínese como unha entidade aberta e integradora de todas as empresas da cadea de valor da madeira, coa finalidade de contribuír á mellora da súa competitividade, aproveitando as sinerxías derivadas, o intercambio de experiencias e coñecementos, os mecanismos de apoio e redes cooperativas.
