O Clúster da Madeira e o Deseño de Galicia redefine o seu futuro con CIMA, un Plan Estratéxico que aspira transformar o sector da madeira galego.
CIMA, Colaboración, Innovación, Sustentabilidade e unha clara aposta pola canle Contract supoñen un cambio de rumbo ambicioso para abordar os desafíos aos que se enfronta o sector da madeira.
Tras case 25 anos de evolución, CIMA preséntase como un proceso transformador que redefine a súa relación co ecosistema madeireiro de Galicia. Superou unha avaliación exhaustiva por parte do Ministerio de Industria e Turismo, que levou ao Clúster a renovar o seu recoñecemento como Agrupación Empresarial Innovadora, rexistro do que forma parte desde 2008.
O Clúster preséntase cunha nova Misión, Visión, Valores, Proposta de Valor e Principios de Actuación, que nos permitirán iniciar un período de crecemento, con novos obxectivos, iniciativas e proxectos que posicionarán ao CMD como un referente nacional no sector da madeira.
