O Cluster da Madeira e o Deseño de Galicia organiza os próximos días 18 de outubro e 8 de novembro, no Gran Hotel los Abetos, de Santiago de Compostela, o Taller de Formación de Mellora Continua, financiado pola Axencia Galega da Industria Forestal (XERA). Para a súa elaboración, contan co apoio da Enxeñería de Organización Team&Time, cunha ampla experiencia na formación e implantación desta metodoloxía nalgunhas empresas socias do CMD, así como noutras empresas de recoñecido prestixio. O horario do taller será de 9:30 a 19:00 horas, contando cun almorzo para o intercambio de experiencias e sinerxias.

O obxectivo que se persegue con esta acción é fomentar a mellora continua nas organizacións, a través da adquisición de habilidades e a comprensión de técnicas e ferramentas que permitan a súa posterior implantación.

Os resultados esperados con este Taller de Formación son:

• Aplicación inmediata de coñecementos na propia empresa
• Mellora da produtividade
• Cero investimento na implantación de melloras
• Redución de custos
• Procesos eficaces e eficientes
• Intercambio de problemáticas e experiencias co resto de participantes